-Almmuhus-
-Almmuhus-
OĐĐASAT Kultuvrralaš skuvlalávka rahppo ođđa buvttaevttohusaide

Kultuvrralaš skuvlalávka rahppo ođđa buvttaevttohusaide

-

-

Borgemánu 15. beaivvi rahppo DKS-portála ja de besset sáddet evttohusaid ámmátlaš doaimmaheaddjit, buvttadeaddjit ja dáidda- ja kulturovddasteaddjit.

Kultuvrralaš skuvlalávka (DKS) buvttada buot skuvlaohppiide olles Norggas, beroškeahttá gos ásset, makkár skuvlla vázzet dahje makkár duogáš lea, dáidda ja kulturdeaivvademiid.

Áigodagas borgemánu 15. beaivvis gitta golggotmánu 1. beaivái sáhttet ámmátlaš doaimmaheaddjit, buvttadeaddjit ja dáidda- ja kulturovddasteaddjit dieđihit evttohusaid DKS:i.

Rahppo ođđa prográmmaevttohusaide

Prográmmaevttohus sáhttá leat ođđa jurdda dahje gárvásit buvttaduvvon buvtta mii lea jo čájehuvvon DKS:s dahje eará sajis.

Ođđa prográmmaevttohusaid galgá sáddet DKS-portála bokte, mii čoaggá evttohusaid miehtá riikka.

– Dáinna portálain mii čoaggit DKS-ortnega, mii lea sajáiduvvan fylkkaide ja gielddaide. Dát lea vurdon fálaldat doaimmaheddjiin, mii addá oppalašgova ja vásihuvvo doaibmilin, muitala Kulturtanken direktevra Øystein Strand.

Skuvlajagis 2019/20 váikkuhedje badjel 4000 doaimmaheaddji Kultuvrralaš skuvlalávkka. Ortnet lea riikka stuorámus gaskkustanarena dáiddáriidda ja kulturovddasteddjiide.

– Mii sávvat eambbo ámmátlaš buktagiid alla kvalitehtas máilmmi buoremus dáidda- ja kulturortnega bokte mánáide ja nuoraide skuvlajagis 2021/22, dadjá Strand.

Dieđihanáigemearri lea golggotmánu 1. beaivvi. Áigemearri guoská sihke ođđa prográmmaevttohusaide ja ovddeš evttohusaid ođasmahttimii.

- Advertisement -
-Almmuhus-