Váikko Finn Hågen Krogh lohká liikot oktasaš vuolgagii buoret, de orui álggos mannáme bures Fállejoga-čuigiin.
Odne iđđes diibmu čiežas čuoiggai Fállejoga-čuoigi Finn Hågen Krogh 15 km friddjačuoigama mas lei individuála vuolgga.
Álggus čuoigamiin manai bures Kroghain, ja lei guhká ovddemusáidiid searvvis – váikko ii liiko ge individuála vuolgagii.
– Mun liikon oktasaš vuolgagii buorebut, go dat lea olu suohttasit go okto doarrut. Individuála vuolgga lea lossat, muitalii Krogh NRK:ii beaivvi ovdal go galggái gilvalit.
Krogh ollii mollii 1.30,5 maŋŋelis vuoiti, sveitsalačča Dario Colonga. Dat dagáhii ahte son loahpalaččat bođii 18. sadjái.
