Geavahit go du mánát Snapchat? Jus dan dahket, de berret lohkat Kriposa rávvagiid váhnemiidda.
Kripos rávve váhnemiid čuovvut mielde makkár appáid sin mánát geavahit mobiltelefuvnnain ja neahttabreahtain.
Kripos ávžžuha Twitteris váhnemiid iskat mánáid telefovnnaid, vai váhnemat dihtet makkár appaid mánát geavahit ja makkár dieđuid juogadit geainna.
– Maŋemus beivviid lea leamašan olu sáhka dan birra go dál sáhttet buohkat oaidnit gos du mánná, gii geavaha Snapchat, lea. Mii ávžžuhat buohkaid, ovttas mánáidisguin logget mánáid Snapchatkontoi ja geahččat geainna mánná juogada dieđuid dan birra gos son lea áiggis áigái. Sáhttá ieš hui álkis vuogi mielde rievdadit ja mearridit geat galget oaidnit makkárge dieđuid, čállá Kripos sin facebooksiiddus ja čájehit gova mas cehkiid mielde čájehit mo rievdadit ja mearridit geat galget oaidnit maid ge.
