Kredihttakoartavealggi reantu lea gorgŋon measta guvttiin proseantačuoggáin dán jagi. Dat lea vaikke hovdenreantu lea nullas ja viessoloatnareantu maid lea vuollel guokte proseantta.
Vaikke viessoloatnareantu, sisabidjanreantu, ruhtamárkanreantu ja hovdenreantu leat njiedjan issorasat dán jagi, de lea kredihttakoartageavaheami gaskamearrereantu gorgŋen goasii guokte proseantačuoggá, čállá Finansavisen.
– Dat lea viehka hirpmástuhtti dan obbalaš reantudási ovdáneamis, ja lea mearka ahte golahanloana haddemearrádus čuovvu eará málle go viessoloanas, dadjá fágageatnegas Elisabeth Realfsen Finansportalenii.
Kredihttakoartavealggi reantu lea lassánan gaskamearrereanttus 18 proseanttas ođđajagemánus 19,73 prosentii dál suoidnemánus.
Golahanloanas lea gaskamearrireantu 14,3 proseanttas. Dat lea njiedjan bealleproseantačuoggáin ođđajagemánu rájes.
Dássážii lea eahpesihkkaris vealggis njiedjan 7 proseanttain, čájehit Norsk Gjeldsinformasjon (Finans Norge) ja Gjeldsregister (Evry) logut.
©NTB
