-Almmuhus-
OĐĐASAT Korona­virus duođaš­tuvvon ho­teallas gos norga­laččat leat orron 

Korona­virus duođaš­tuvvon ho­teallas gos norga­laččat leat orron 

-

-

Čieža norgalačča leat orron seamma hoteallas Tenerifes gos koronavirusa njoammuduvvon italialaš lea orron. Njealjis dáin norgalaččain leat vuolgán ruoktot.

Dat golbma eará galget plána mielde guovvamánu 25.beaivve vuolgit ruoktot. 

– Mii háliidat sáddet dieđu sidjiide geat leat leamaš dán hoteallas, sii berrejit váldit oktavuođa dearvvasvuođabargiiguin jus ožžot virusa dávdamearkkaid, dadjá TUI mátkedoaimmahága preassaolmmoš Kevin Brevik NTB:i.

Birrasiid duhát turistta leat dál biddjon errenáigái hotellii maŋŋel go virus duođaštuvvui vuossárgga ovtta italialaš hoteallaguossis.

- Advertisement -
-Almmuhus-