-Almmuhus-
OĐĐASATKorona­njoammun Roavve­njárggas – 133 olbmo erremis 

Korona­njoammun Roavve­njárggas – 133 olbmo erremis 

-

-

Roavvenjárgga gávpoga Väinämöisentie beaiveruovttus lea muhtin bargis duođaštuvvon koronavirus gaskavahku. Dál leat buot olbmot, sihke mánát ja bargit, erremis. 

Bargi lea leamaš barggus mannan vahkus go sus eai lean dávdamearkkat, muhto go duođaštuvvui ahte sus lea korona, de manai erremii.

Su bargobáikkis ledje 101 máná ja 32 bargi ja dál leat buohkat erremis. Väinämöisentie beaiveruoktu lea gitta errenáigge, čállá Yle Sápmi.  Roavvenjárggas leat gávdnan guovtti maŋemus vahkus 26 koronanjoammuma. 

Dál leat Roavvenjárggas oktiibuot 78 njoammomu, dieđiha THL, Suoma dearvvašvuođaeiseváldi. 

Eará Suoma gielddain leat dieđihuvvon njoammumat: Kolari 29, Oulu 263, Duortnus 68, Ohcejohka 6, Badjeduortnus 31. Dan dieđihit Suoma dearvvašvuođaeiseválddit. 

-Almmuhus-