Maŋimuš jándora lea duođaštuvvon 481 olbmos koronadávdda Norggas. Dat lea 278 unnit go beaivvi ovdal ja 211 unnit go seamma beaivvi mannan vahkus.
Maŋimuš čieža beaivvis leat duođaštuvvon oktiibuot 5098 ođđa njoammuma Norggas, muhto njoammun lea unnon vahku mielde. Bearjadaga duođaštuvvojedje 759 ođđa koronanjoammuma Norggas, duorastaga duođaštuvvojedje 878 ja gaskavahku lei lohku 933.
Gaskaija leat duođaštuvvon oktiibuot 103 200 koronanjoammuma diimma guovvamánu rájes Norggas, čájehit gaskaboddosaš logut. Dassážii leat čađahuvvon birrasii 5 miljovnna koronaiskosa riikkas.
Oktiibuot leat 835 970 olbmo ožžon vuosttaš dosa koronaboahkuheamis ja 295 358 olbmo leat ožžon nuppi dosa.
