Mannan jándora registrerejuvvojedje 579 ođđa koronanjoammuma Norggas.
Maŋimuš vahkku lea koronanjoammun fas lassánan Norggas. Maŋŋebárgga čuovganeapmái dieđihuvvojedje 579 ođđa koronanjoammuma, ja dat leat 96 eanet njoammuma go vahkku áigi.
Maŋimuš čieža beaivvi lea koronavirus njommon gaskamearálaččat 438 olbmui jándoris, ovddit vahkkus ges njoamui gaskamearálaččat 398 olbmui.
5,2 miljovnna iskosa
Norggas leat 2020 guovvamánu rájes čađahan oktiibuot 5,2 miljovnna koronaiskosa. Oktiibuot lea koronavirus duođaštuvvon 117 022 olbmos.
Dássážii leat 1 485 650 olbmo ožžon vuosttaš koronaboahku, ja 472 376 olbmo ges leat ožžon guktot boahku.
767 olbmo jápmán
Vuossárgga ožžo 117 koronabuohcci divššu Norgga buohcceviesuin. Maiddái buohcceviesu pasieanttat leat lassánišgoahtán, ovddit beaivvi rájes lassánedje čieža olbmuin.
Oktiibuot leat 767 olbmo geain lei duođaštuvvon koronavirus jápmán dan rájes go Covid-19 leavai Norgii. 58,9 proseantta dain ledje badjel 80 jagi boarrásat. 17 ges ledjen vuollel 50-jahkásaččat go jápme. (©NTB)
