Viđa obmos lea duođaštuvvon koronanjoammun Deanu fuolahusguovddážis.
Ovtta ássis fuolahusguovddážis duođaštuvvui koronadávda ikte, guovvamánu gávccát beaivvi. Njoammunguorramis lea dán rádjái duođaštuvvon vel guovtti ássis koronadávda, ja dasa lassin vel guovtti bargis.
– Ii oktage leat garrasit buohcamin. Fuolahusguovddáš lea čavgen njoammunsuddjendoaimmaid eaige ávžžut oapmahaččaid boahtit guossái jus ii leat dárbu ovdal go leat kontrolla ožžon. Jus oapmahaččat háliidit boahtit guossái, de fertejit čuojahit ovdagihtii, čállá Deanu gielda. Fáktátelefovdnanummar lea 455 17 743. Gielda dieđiha ahte sii eai dieđe gos njoammun lea boahtán.
