Mannan jándora registrerejedje 825 ođđa koronanjoammuma Norggas. Dat leat 38 eanet go beaivvi ovdal.
Bearjadaga čuovganeapmái ledje registrerejuvvon 53 792 koronanjoammuma Norggas. Jándoris lassánedje koronabuohccit 825 olbmuin, čájehit njoammudávddaid nationála dieđihanvuogádaga MSIS gaskaboddosaš logut.
Maŋimuš čieža beaivvi leat registreren oktiibuot 4225 njoammuma ja duorastaga rádjái ledje Norggas čađahan 2,9 miljovnna koronaiskosa.
Duorastaga ledje buohcceviesuin 127 pasieantta geain lea koronavirus, ja dat leat guokte unnit go beaivvi ovdal.
Dássážii leat 467 koronabuohcci jápmán Norggas, čájehit gaskaboddosaš logut. 64,7 proseantta dáin ledje badjel 80-jahkásaččat, ja ovcci olbmo ledje vuollel 50-jahkásaččat.
(©NTB)
