Norgga stuorimus vuorká koronamuittuin lea dál rabas gehččiide maŋŋel go Norgga Álbmotmusea giđđat siđai gehččiin vásáhusaid koronaáiggis.
Miehtá riikka bohte badjel 700 cealkámuša čoaggimii ja badjel 500 muitaleddjiin leat válljen almmuhit iežaset historjjáid almmolaččat, čállá Norgga Álbmotmusea iežaset neahttasiiddus.
Vuorkkás, mii dál lea olahanmuttus neahttasiiddus minner.no, oažžut erenoamáš geahčasteami mo olbmot vásihedje go koronaroassu bođii Norgii njukčamánu 12. beaivvi 2020.
– Buot mii lea geavvan 2020:s rahčamušas pandemiija vuostá šaddá oassin min identitehtas ja historjjás. Roassu lea čuohcan min árgabeaieallimii. Beaivválaš mearrádusain – mo mii dearvvahat, guossohit borramuša, bassat gieđaid, mátkkoštat ja nu olu eará – lea politihkalaš mearkkašupmi, dadjá Norgga Álbmotmusea álbmotmuitočoaggi Audun Kjus.
Dál bovde musea ođđa čoagginakšuvdnii, dán háve čavčča ja dálvvi vásáhusain.
(©NTB)
