Gielddadoavttir lohká ahte Kárášjogas ii leat oktiige njommon korona.
Kárášjoga gielddasiddus boahtá ovdan ahte Kárášjoga gielddadoavttir, Georg Nasr, dieđiha ahte 24.8.20 ii várohuvvo covid-19 njoammun Kárášjoga gielddas, ii ge leat ovttasge duođaštuvvon njoammun.
Erremis
Maŋit vahkkus ilmmai diehtu Kárášjoga gieldda siiddus gos duođaštit ahte gieldda bargi lea iskojuvvon covid-19 hárrái ja lea dál erremis dassážii go ožžot iskkusbohtosa maŋŋá vahkkoloahpa. Sutnje ii lean njommon dávda.
Njoammudávdadoaibmabijut
Virusa leavvama dehálamos eastadandoaibma lea ovttaskas olbmo duohken.
Don sáhtát heađuštit njoammunvirusa leavvama;
– go doalat gaskka, unnimustá mehtera
– go gieđaid basat dávjá ja bures
– go doalahat sierran go leat buohcamin.
