Olgoáibmui beassat lea dehálaš sihke psyhkalaš ja rumašlaš dearvvasvuhtii.
Danne álggaha Norgga olgostallanráđđi #1beaivái (#1omdagen) áŋgiruššama, mas Norgga álbmoga ávžžuhit fitnat olggobealde uvssa uhcimustá oktii beaivái.
Norgga Olgostallanráđđi doaivvošii movttiidahttit Norgga álbmoga atnit luonddu veahkkin várret psyhkalaš ja rumašlaš dearvvasvuođa korona rohttudávdda áigge. Olusat eai šatta šat fitnat olgun go eai jođe šat bargui, eai fina galledeamen ustibiid, astoáiggefálaldagain ja sullasaččaid.
Mii muittuhat ahte vaikko olu áššiid eai beasa dahkat, de lundui lea ain rabas – ja doaivut ahte #1beaivái muittuhus fuomášahtášii ja movttiidahtášii finadit olgun. Dutkosiin ovdanboahtá ahte dušše 10 minuvtta luonddus njeaidá huššadási, ja buktá buoret dovddu.
Kárášjoga gieldda bealis ávžžuhit sin siiddus olgun váccedettiin govvidit dahje filbmestit ja juohkit dan #1beaivái – hástalan dihtii earáid ge váccašit.
