Suoma dearvvašvuođa- ja dervvašvuođadoaimmahat THL muitala, ahte leat gávdnan 39 ođđa koronanjoammuma Kolari ja Ylläsa guovllus Suomas.
Koronanjoammumat leat njommon maŋemus áiggiid Ylläsa turismaguovddážis. Suoma dearvvašvuođa- ja dervvašvuođadoaimmahat THL ávžžuha olbmuid, geat leat galledan Ylläsis čakčamánu gaskkamuttu rájes, čuovvut dávdamearkkaid ja ohcalit dárbbu mielde koronaiskosa.
Kolari Ylläsa njoammunbálgás leat dál gávdnan oktiibuot 39 koronavirusnjoammuma. Ođđa njoammumiin okta lea Kolaris ja eará njoammumat iešguđet guovllus Suomas, muitala Lappi buohccedikšunbiirre infekšuvdnadoavttir Markku Broas Yle Sápmái.
Dán rádjái leat Lappi guovllus gávdnan 131 koronavirusnjoammuma ja Oarje-Lappi guovllus fas 155 njoammuma.
Bivdet geavahit njálbmesujiid
Suoma dearvvašvuođa- ja buresveadjinlágádus THL ávžžuha dál geavahit njálbmesujiid olles riikkas almmolaš johtolagas, ja eará nuppi dási oahppolágádusain. Dasa lassin máskkaid galggašii geavahit almmolaš dáluin ja álbmotdilálašvuođain, gos lagašvuođat earáide eai lea sihkkaraston, nu go gávppii ja gávpeguovddážiin ja eará olmmoščoahkkanemiin, dieđiha THL.
