Davimus Ruoŧas Norrbottenis njoammu korona dál leanas stuorimus gávpogiin Bodenis, Haparandas ja Lulejus ja Bihtámis. Bearjadaga jámii maid okta olmmoš dávdii. Nu dieđiha Regiovdna Norrbotten preassadieđáhusas.
Norrbottenis lea lávvordaga 192 olbmos duođaštuvvon koronadávda, ja sotnabeaivvi fas 127. Dat mearkkaša ahte 319 ođđa koronanjoammuma leat duođaštuvvon leanas mannan vahkuloahpas.
Bearjadaga jámii maid okta olmmoš koronadávdii Norrbottenis.
Mánnodaga leat 14:s buohcceviesus koronadávddain ja golmmas ožžot intensiivadivššu.
Oktiibuot leat 92 olbmo jápmán koronadávdii Norrbottena leanas.
