-Almmuhus-
OĐĐASATKorona njoammu álkit ruovttuin

Korona njoammu álkit ruovttuin

-

-

60 proseantta dállodoaluin njoamui koronavirus unnimusat ovtta olbmui, čájeha dutkan. 

Álbmotdearvvašvuođainstituhtta lea dutkan koronanjoammuma dállodoaluin, ja das čájehuvvo ahte ruovttuin njoammu koronavirus álkit. 

60 proseantta dállodoaluin njoammudii koronabuohcci koronavirusa unnimusat ovtta olbmui. 

Lea seamma stuora várra ahte koronavirus njoammu mánáide ja ollesolbmuide. 

– Bohtosat čájehit ahte lea stuora várra buohccát koronavirusiin jus muhtimis dállodoalus lea duođaštuvvon koronavirus, lohká Álbmotdearvvašvuođainstituhta seniordutki Lisbeth Meyer Næss. 

Alfavariánta njoammu vel álkit

Norggas ja muđui máilmmis njoammu dál eanaš dealtávariánta koronavirus, ja dutkamušat leat ge čájehan ahte dat variánta njoammu álkit go alfavariánta. 

Álbmotdearvvašvuođainstituhta dutkan ges čájeha eará. Das čájehuvvo ahte 80 proseantta dállodoaluin gos alfavariánta duođaštuvvui, njoammudii koronabuohcci virusa viidáset unnimusat ovtta olbmui ruovttus. 

Dutkan čađahuvvui Oslos ja Vikenis 2020 miessemánus – 2021 miessemánnui. Oasseváldit eai lean boahkuhuvvon go dutkan dáhpáhuvai. (©NTB)

-Almmuhus-