Regiovdna Norrbotten dieđiha ahte korona lassána fas Norrbottenis. Muhto eai leat seamma logut go giđđat ledje go korona njoamui eanemusat.
Maŋemus golmma vahkus lea koronadávda lassánan Norrbottena leanas. Eanemus koronanjoammumat leat duođaštuvvon Lulejus ja Johkamohkis, ja maiddái Gironis ja Bihtámis.
Maŋemus jándora leat fas 43 ođđa koronanjoammuma duođaštuvvon leanas. Dál lea oktiibuot 1906 olbmos dieđihuvvon dávda giđa rájes.
Regiovdna Norrbotten dieđiha ahte dávda lassána veháš leanas. 40. vahkku válde 3390 olbmo koronaiskosa, 59 olbmos lei koronadávda dehe 1,7 proseantta ledje koronapositiivat.
Čakčamánus gávnnahedje eanemus korona Lulejus ja maid Johkamohki gielddas.