Ráđđehus lea mearridan guhkidit joatkkaskuvllaid gaskaboddosaš jávkannjuolggadusaid čakčamánu lohppii.
Máhttodepartemeanta guhkida gaskaboddasaš spiehkastagaid joatkkaskuvllaid jávkannjuolggadusain vel boahtte mánu. Dat mearkkaša ahte oahppit eai dárbbaš doavtterduođaštusa iežaset fástadoaktáris duođaštit jávkama. Oahppit galget dattetge čájehit iešdieđáhusa dahje duođaštusa váhnemiin (badjel 18-jahkásaš oahppit).
– Nu guhká covid-19 geažil leat oahppit geat eai sáhte dahje berre boahtit skuvlii, de lea dárbu spiehkastit dábálaš jávkannjuolggadusain. Jus eai livčče spiehkastagat njuolggadusain, de lea stuorát várra ahte njoammuneastadanrávvagat eai dollojuvvo, lohká máhtte- ja integrerenministtar Guri Melby preassadieđáhusas.
