-Almmuhus-
-Almmuhus-
OĐĐASAT Korona ii bissehan girdi­šilju stuori­deami

Korona ii bissehan girdi­šilju stuori­deami

-

-

Koronavirus ii bissehan njukča- ja cuoŋománus bargguid Evenášši ođđa girdišiljus.

Doaimmat leat lagabui 100 proseanttas ja gávpejorru lea vihtta miljovnna ruvnnu beaivái, čuožžu Forsvarsbygg preassadieđáhusas.

Dan rájes go Evenášši girdišiljus álggii huksen 2017:s lea sátnevájasin leamašan doalahit leavttu. Vuosttaš militearagirdit bohtet 2021:s ja girdistašuvnnas fertejit leat visttit ja rusttegat sajis nu ahte stašuvdna sáhttá leat ovdastašuvdnan ja doarjjan Áibmosuodjalussii davvin.

– Sáhttá oažžut gova ahte Norga lea bisánan dán áigodagas. Go boahtá girdišilljui Evenáššis, de lea vásáhus justa nuppe láhkai. Ii leat goassege leamašan seamma olu doaibma go dál. Lean sihke rámis ja giitevaš oaidnit ahte iežan bargit, entreprenevrrat, buvttadeaddjit ja ráđđeaddit leat doalahan dákkár dilálašvuođas, dadjá huksenhoavda John Ommund Syvertsen.

- Advertisement -
-Almmuhus-