Deanu gielda dieđihii gaskavahku eahkeda ahte lea duođaštuvvon korona gielddas.
Okta olmmoš lea testen positiivvalaš covid-19 PCR-iskosis, mii váldui vuossárgga 18.10.2021. Olmmoš lea ollislaččat boahkuhuvvon eaige sus leat makkárge dávdamearkkat. Son lea biddjon isolašuvdnii. Njoammunbálggis ii lea čielggas, eaige dieđe leat go eanet njoammumat Deanus, dieđiha Deanu gielda.
Buohkat geain leat covid-19 dávdamearkkat berrejit váldit iskosa, boahkkuhanstáhtusa. ektui Lagasolbmuid, geat eai leat boahkuhuvvon, ávžžuha gielda váldit iskosa ja jus leat dávdamearkkat, de ferte bissut ruovttus dassái go lea váldán iskosa.
Koronaiskosa sáhttá tiŋgot dás tlf: 400 05014, vuossárggas bearjadahkii, gaskal dii.09.00-11.15.
