-Almmuhus-
OĐĐASATBadjel 100 olbmos duođa­štuvvon Korona

Badjel 100 olbmos duođa­štuvvon Korona

-

-

Eatnasiin lea oktavuohta Hámmerfeastta njoammumii.

Logut čájehit ahte njoammun mii várohuvvo vuolgán Hámmerfeasttas lea dál njommon oktiibuot badjel 100 olbmui. 

Hámmerfeasttas lea dál duođaštuvvon korona 80 olbmos, Álttás 19 olbmos ja Romssas njealji olbmos. 

Ovdalaččas lea duođaštuvvon korona guovtti olbmos Kárášjogas ja ovtta olbmos Girkonjárggas. Eatnasiin geaidda korona lea njommon daid maŋŋemus beivviid lea oktavuohta Hámmerfeastta njoammumii. 

Hámmerfeastta sátnejođiheaddji Marianne Sivertsen Næss  lohká sin várohit ahte dávda lea njoammugoahtán juo miessemánu 8. beaivvi rájes muhtin čoagganeamis gos ledje nuorra olbmot geat gullet iešguđet suohkanii.

-Almmuhus-