Suoma davimus guovllus eai leat gávdnan ođđa koronanjoammumiid. Norrbottenis Ruoŧas ii leat oktage jápmán dávdii miessemánu 9. beaivvi rájes.
Ruoŧa ja Suoma davimus guovllus dieđihit dearvvašvuođa eiseválddit THL ja Regiovdna Norrbotten korona loguid.
Suomas:
Ođđa njoammomat eai leat dieđihuvvon Lappi buohccedikšunguovllus logi beaivái. Nu dieđihit Suoma Dearvvašvuođa doaimmahat THL.
Oktiibuot lea 72 olbmos duođaštuvvon korona Lappi guovllus Suomas.
Länsi-Pojas guovllus, gosa Badjeduortnas ja Oulu gullet, lea duođaštuvvon 145 olbmos korona. Eanemusat leat Oulus 94 olbmos dávda.
Oktiibuot leat Suomas duođaštuvvon 6 537 korona njoammuma. 306 olbmo leat jápmán dávdii.
Ruoŧas:
Davimus Ruoŧas, Norrbottenis lea 351 olbmos duođaštuvvon covid-19.
43 olbmo leat jápmán.
21 olbmo leat divššus ja 7 sis leat vuoigŋanmašiinnas.
Miessemánu 9. beaivve rájes ii leat oktage jápmán dávddain Norrbottenis. Nu dieđiha Regiovdna Norrbotten.
Västerbottenis lea fas 455 olbmos duođaštuvvon dávda ja 23 olbmo leat jápmán
Jämtlánddas lea fas 607 olbmos duođaštuvvon dávda ja 25 olbmo leat jápmán
Ruoŧas leat oktiibuot 3.925 jápmán ja 32.909 olbmos lea duođaštuvvon dávda.
Nu dieđiha Ruoŧa álbmotdearvvašvuođa eiseváldi.
