Dál dieđihit Regiovdna Västerbotten ja Norrbotten ahte korona- dávda lea gávdnon Davvi-Ruoŧas maid.
Dat lei mánnodaga eahkesbeaivvi go regiovdna Norrbotten dieđihii ahte leat duođaštan vuosttaš korona njommon olbmo Norrbottenis. Dat lea nisson gii lei Italias mátkkis dieđiha Regiovdna Norrbotten SVT Norrbottenii.
Maiddái iskosat Regiovdna Västerbottenis leat duođaštan ahte vihtta olbmo leat njoammuduvvon korona-dávdii. Golmmas leat seamma bearrašis.
– Ii oktage sis dárbbaš divššu buohcciviesus ja sii leat dal ruovttuin errenáiggis, dadjá Gunilla Persson, njoammuneastadandoavttir Regiovdna Västerbottenis.
Oktiibuot leat dal 261 olbmo Ruoŧas njoammuduvvon korona- dávdi, Suomas 30 ja Norggas 176.
