Suoidnemánus koŋkánedje 4,7 proseantta eanet fitnodagat go diibmá dáid muttuid, koŋkáneamit lassánit eanemusat Tromssas.
Suoidnemánus koŋkánedje 4,7 proseantta eanet fitnodagat go diibmá dáid muttuid, koŋkáneamit lassánit eanemusat Tromssas.
Suoidnemánus lassánedje koŋkáneamit ja bággoheaittiheamit 4,7 proseanttain, go buohtastahttá seamma áigodagain diibmá. Dán jagi čieža álgománus leat koŋkánemiid-logut njiedjan 1,9 proseanttain.
Suoidnemánus registrerejuvvo 312 koŋkáneami ja bággoheaittiheami Norggas, seamma áigodagas diibmá ledje 298. Dát lea 4,7 proseanttain lassánan.
Tromssas eanemus lassánan
Tromssa fylkkas ledje 200 proseantta eanet koŋkáneamit ja bággoheaittiheami suoidnemánus go diibmá. Diibmá ledje 4 dákkára suoidnemánus Tromssas, dán jagi ges 12.
Finnmárkkus ges eai leat logut rievdan diimmážis, diibmá ledje 13 koŋkáneami ja bággoheaittiheami Finnmárkkus suoidnemánus, nu ledje maiddái dán jagi.
Eanet dáid loguid birra sáhtát lohkat Brønnøysundregisttaris.
