-Almmuhus-
-Almmuhus-
OĐĐASATKonfirma­šuvnnat Káráš­jogas maŋi­duvvon

Konfirma­šuvnnat Káráš­jogas maŋi­duvvon

-

-

Sis-Finnmárkku proavássuohkana proavás Egil Lønmo lea sádden konfirmántaváhnemiidda dieđu ahte Kárášjogas maŋiduvvojit konfirmašuvnnat.

– Eastadan dihtii koronavirusa leavvama, lea Kárášjoga gielddadirektevra Kurt Maurstad rávven min maŋidit konfirmašuvnna ja konfirmašuvdnaoahpahusa. Go lea maŋideamis sáhka, de lea sáhka mánuid, iige vahkuid birra. Dađe dárkilabbot eat sáhte dadjat justa dál. Mii guoská konfirmántaoahpahussii, de lea dat maŋiduvvon nu guhká go lea dárbu, lohká Sis-Finnmárkku proavássuohkana proavás Egil Lønmo.

Son lohká iežas áddet ii leat nu somá guhkkin boahtti gussiide ahte konfirmašuvdna maŋiduvvo, muhto eai leat eará molssaeavttut.

– Eat mii dieđe mo dilli lea moatti mánu geahčen, muhto dalle lea sihke eiseválddiin, dearvvašvuođaeiseválddiin ja mis dan mađe vásáhus ahte dieđit buorebut mo mii galgat dahkat, lohká Sis-Finnmárkku proavassuohkana proavás Egil Lønmo.

-Almmuhus-