Raporta galgá geigejuvvot Stuoradiggái boahtte jagi. Dál ohcá Duohtavuođakommišuvdna dáiddára gii galgá illustreret raportta.
Duohtavuođakommišuvdna áigu loktet beroštumi Duohtavuođa- ja soabahankommišuvnna raportii mii galgá geigejuvvot geassemánu 1. beaivvi 2023. Dan oktavuođas kommišuvdna ohcá govvadahkki raportii gilvvu bakte. Sáhttá sihke kvena dehe sámi dáiddár illustreret raportta. Govvadáidaga galgá sáhttit digitaliseret raportii ja galgá maid čájehuvvot Stuoradikkis.
– Dáidda galgá de Stuorradikkis čájehuvvot dalle go Duohtavuođakommišuvnna raporta almmuhuvvo, muitala čállingotti jođiheaddji Liss-Ellen Ramstad preassadieđáhusa bakte. Dáidda lea oassi go raporta almmuhuvvo boahtte jagi geassemánus, dadjá son.
