Unjárgga Bargiidbellodat oaččui luohttámuša stivret vel njeallje jagi, stuorra illun sátnejođiheaddjái, Knut Storii.
Unjárgga Bargiidbellodat oaččui luohttámuša stivret vel njeallje jagi, stuorra illun sátnejođiheaddjái, Knut Storii.
– Lean hui ilus dál, ferten giitit jienasteddjiid go lea luohttámuš min bargui, lohká Store. Bargiidbellodagas leat dál guhtta áirasa gielddastivrras, boahtte njealji jahkái ožžo čieža áirasa ja dainna ferten leat duđavaš, lohká Knut Store.
Knut Store lea hui duđavaš, ja go son almmuhii válgabohtosiid Capri boradanbáikkis, de lei reaškkas ja huikkas.
Sámeálbmot Bellodaga Bjarne Store-Jakobsen ii loga nu jierrásit váldit go ii lihkostuvvan, vaikko lohká iežas leamašan gearggusin jođihit gieldda boahtte njeallje jagi.
– Lean duđavaš, ja nu go logut čájehit, de oažžut ovtta áirasa eambbo gielddastivrii. In leat beahtahallan, lohká Bjarne Store-Jakobsen. Dálá válgaáigodagas leat SáB:s guokte áirasa gielddastivrras, ja vaikko eat nagodan vuoitit, de lea bellodat lasihan áirraslogu ovttain áirasiin. Dainna lohká Bjarne Store-Jakobsen iežas duđavažžan.
– Čájeha ahte leat rivttes geainnus, lea ilus go leat lasihan áiraslogu, lohká son ja beahttala ovttasbargu vejolašvuođa Bargiidbellodagain.
–Nu go dál de ii leat dat leamašan mis ságas dat vejolašvuohta, lohká son.
Gaskaboddosaš logut čájehit ahte:
- Bargiidbellodat oažžu 7 áirasa
- SáB 3 áirasa
- Sosialisttalaš Gurutbellodat 2 áirasa
- Oktasašlistu Olgešbellodat ja Bellodagaid gaskasaš listu oažžu 3 áirasa
