– Dál lean gearggus čájehit fámuidan ja lean sihkar ahte olbmot besset oaidnit Klemetsena gii addá buot návccaid boahtte áigodaga, ja máilmmigilvvut Lahtis leat stuora mihttun mus, muitala Håvard Klemetsen.
– Dál lean gearggus čájehit fámuidan ja lean sihkar ahte olbmot besset oaidnit Klemetsena gii addá buot návccaid boahtte áigodaga, ja máilmmigilvvut Lahtis leat stuora mihttun mus, muitala Håvard Klemetsen.
Lotnolasfalástalli Håvard Klemetsen muitala iežas ollen Romsii fas maŋŋel máilmmicupa Suomas ja Gaska-Eurohpás.
– Mun ožžon oalle buriid bohtosiid Lahtis, ja muđuid lea mannan veahá hejot maŋemus áiggi, muitala Klemetsen, gii dán vahkku galgá iskat iežas fysalaš foarpma oaidnin dihte makkár hástalusat leat ovdal boahtte falástallanáigodaga.
Njuikii Vikersunddas
Klemetsen bođii 12. sadjái máilmmicupas ja nuppi sadjái Norggameašttirgilvvuin. Moadde čuoigama leat vel báhcán ja vel nubbi oassi Norggameašttirgilvvuin.
– Buot suohttaseamos mannan áigodagas lei njuiket badjel 200 mehtera Vikersund njuikehagas, lohká Klemetsen.
Boahtá Guovdageidnui ja Áltái vuoiŋŋastit
Klemetsen boahtá Guovdageidnui ja Áltái beassážiidda ja orru doppe guhkibuš áiggi vai beassá vuoiŋŋastit.
– Illudan vehá vuoinnastit bearrašiin ja návccaid čohkket ovdal go garra hárjehallan fas álgá, muitala Klemetsen.
