Válgabiire: Ávjovárri
Bellodat: Árja
Namma: Klemet K. Klemetsen
Ahki: 61
Siviiladilli: Náitalkeahtes
Eatnigiella/ giella: Sámegiella
Beroštumit
Makkár astoáigedoaimmat leat dus?
– Dihtor ja media.
Mii lea dat stuorámus maid leat vásihan eallimis?
– Šaddat áhččin.
Maid dagat go áiggut vuoiŋŋastit?
– Buđaldan ruovttus dan čáppa Ávžžis.
Gii lea du stuorámus ovdagovva ja manne?
– In dieđe, ii leat oktage earenoamáš.
Bargu ja oahppu
Maid don barggat dál ja makkár barggut leat dus ovdal leamašan? Makkár oahppu lea dus?
– Politiijaoahppu, barggan leansmánnin.
Politihkalaš duogáš
Guđiid bellodagaid leat don ovddastan? Leat go leamašan sámediggeáirras?
– Lean leamaš Gurutmiellahttun birrasii 1986 rájes 2017 rádjái. Dál goalmmát áigodagas Finnmárkku fylkadikkis Gurutbellodaga ovddas, muhto dál dego sorjjasmeahttun. Sámediggeválggaide lean mun leamaš 10 jagi fylkadikkis.
Váibmoáššit
Makkár áššiide áiggut bidjat fokusa?
– Áššit mat orrot vuoigatmeahttumat ja eai ávkkut buohkaid servodagas. Ovdamearkka dihte váilu nannejuvvon riekti árbevirolaš meahcásteapmái, bivdui, guolásteapmái ja bivdobohtosiidda. Oanehaččat daddjon lágat ja mearrádusat mat leat eahpeoiddolažžan sápmelaččaide.
Mii lea du mielas eanemus hástaleaddjin maid Sámediggi ferte čoavdit čuovvovaš áigodagas?
– Mun doaivvun ahte Sámediggi ferte ovdanbuktojuvvot čielgasit vuoiggalažžan, ja buohkat galget oaidnit ja dovdat ahte vuhtii váldet sin.
Čilge manne/manne eai galggaše minerála- ja ruvkefitnodagat oažžut lobi ásahit ja álggahit doaimmaid sámi guovlluin?
– Otná beaivvi nákkáhallo vahátváikkuhusa birra diekkár doaimmas, ja ovdal go viidodat vejolaš vahátváikkuhusas lea čielggaduvvon ja konstaterejuvvon, de mun in áiggo áŋgiruššat dien áššis. De lea eambbo jierpmálaš jurdilit máŋgii, ovdal go miehtá diekkáriidda boahtteáiggis.
Čilge doaibmá go dálá boazodoallopolitihkka vai ii. Mii šaddá deháleamos ášši mii guoská boazodollui čuovvovaš áigodagas?
– Lea váttis addit ovttabealat ja čoahkku vástádusa diesa, go lea stuoris ja viiddis. Muhto mun jáhkán ahte buot jierpmáleamos lea ahte Sámedikkis lea stuorát váikkuheapmi boazodollui.
Eanandoallu, maid sáhttá Sámediggi dahkat sihkkarastin dihte ahte nuorat sáhttet joatkit ealáhusas / álgit ealáhussii?
– Sámediggi ferte ásahit ortnegiid mat arvvosmahttet nuoraid álgit eanandoaluin. Dat sáhttet leat doarjjaortnegat, ovdánahttindoaimmat mat dagahit eanandoalu eambbo bivnnuhin go dál orru leamen.
Mii lea dat stuorámus hástalus guolástusealáhusas Sámis? Maid sáhttá Sámediggi dahkat nu ahte dat unnimus doalut maid sáhttet birgejumi viežžat guolásteamis?
– Lean veaháš eahpesihkar, vejolaččat lea suddjet vuotnaguolásteddjiid dehálaš. Sámediggi sáhttá váikkuhit ahte sii geain lea unnit doaibma maid sáhttet eallit guolástemiin jus ásahit ortnegiid mat veahkehit sin, nu go doarjjaortnegat, ovdánahttindoaimmat mat dagahit ahte lea vejolaš eallit guolástemiin.
Sámegielat, movt berre Sámediggi láhčit dili nu ahte nannejuvvojit čuovvovaš áigodagas?
– Aktiivvalaččat geavahit sámegiela buot čanastagain.
Makkár ođđa bargosajiid lea dehálaš vuoruhit čuovvovaš áigodagas?
– Vuođđoealáhusat leat dehálaččat. Dat gávdnojit miehtá Sámi ja danin lea dehálaš bargat daiguin.
Guhte ášši lea čuohcan dutnje eanemusat ja manne?
– Ii makkár ge earenoamáš, muhto buot áššit mat guoskkahit eaŋkilolbmuid árgabeaivvi leat dehálaččat munnje.
