-Almmuhus-
-Almmuhus-
-Almmuhus-
OĐĐASATKitti vuoittáhalai stáhta vuostá

Kitti vuoittáhalai stáhta vuostá

-

-

Boazoeaiggát Per Kitti Kvaløya sullos Romssas, vuoittáhalai stáhta vuosttái diggegottis.

Kitti oaivvildii ahte siidaoasi eaiggátsirdin orohagas ii lean lágalaččat lobálaš, ja danne vuolggahii ášši Eanandoallodepartemeantta vuostá.
Dál lea duopmu celkon ja diggegoddi áššehuhttá eisseválddiid.

Sirddii doalu

Duomu mielde lea vilbelešguovtto Elsa Kåsa Granath ja Per Kittis leamaš goabbat oassi eatnamiin Kvaløya boazoorohagas, ja nu lea leamaš 1970- logu rájes. Boazolohku lea leamaš 40 proseantta Kåsa Granathas ja reasta Kittis.

Alla agi dihte háliidii Kåsa Granath sirdit iežas doalu earáide. Golggotmánu 2013 soabai son Risten Turi Aleksanderseniin, guhte válddi badjelassi doalu dimmá giđa.

Guoddala

Per Kitti lei dan oaivilis ahte siidaoasi sirdin soahpamuš lea boazodoallolága vuostá, danne go Aleksandersen ii leat oassálastten orohaga boazodollui maŋemus golbma jagi ii ge leat árbbolaš.

Kiiti lea dadjan iTromsø aviisii ahte áigu duomu guoddalit lágamanneriektái.

 

-Almmuhus-