Mohtorgeainnut giddejuvvojedje ja togat ja busset bissehuvvojedje go katalanerat streikegohte maŋŋebárgga politiija veahkaválddálašvuođa dihte mannan vahkkoloahpa jienasteamis.
Mohtorgeainnut giddejuvvojedje ja togat ja busset bissehuvvojedje go katalanerat streikegohte maŋŋebárgga politiija veahkaválddálašvuođa dihte mannan vahkkoloahpa jienasteamis.
Lei ovdagihtii vurdon ahte olu olmmoš bođii oasálastit streaikkas dan Spánia guovllus.
Maŋŋebárgga dieđihii Katalonia geaidnodoaimmahat ahte demonstránttat leat bissehan geainnuid ja mohtorgeainnuid 24 iešguđet sajiin, ja lei 10 kilomehtera guhkes ráidu šaddan.
Guovllu oaivegávpogis, Barcelonas, lei vurdejuvvon ahte almmolaš fievrridandoaimmat čužžot jaska eanaš beaivvi.
Hui viiddis streika
FC Barcelona bissehii hárjehallama. Lei maiddái vurdojuvvon ahte hámmanbargit, dávvirvuorkábargit, girkobargit ja turistabáikkiid bargit streikegohtet.
– Mun duođaid jáhkán dát streaika lea hui viiddis, muitala Katalonia presideanta Carles Puigdemont.
Olu iešguđetlágan fágasearvvit dorjot dan streaikka, ja sihke hámmanbargit ja buollinveagat dadjet sii áigot demonstreret.
Eai dohkke
Generálastreaika lei oaivvilduvvon čájehit politiijaide ahte álbmot ii dohkket politiija garragieđat vuogi geahččalit bissehit mannan vahkkoloahpa álbmotjienasteami, mas jienastedje beassat eret Spánias.
Spánia ráđđehus oaivvilda ahte álbmotjienasteapmi ii leat dohkálaš ja ahte sii leat rihkkon vuođđolága.
Katalonia eiseválddit fas dadjet iežaset bealis ahte 90 proseantta jienastedje beassat eret Spánia stivrejumis, ja ráhkadit iežaset ođđa Katalonia republihka.
Puigdemont julggaštii sotnabeaivvi ahte Katalonia lei «vuoitán rievtti šaddat iešheanalaš stáhtan».
(©NTB)
