-Almmuhus-
OĐĐASATKáráš­johkalaš vuittii miljovnna Euro­jackpottas

Káráš­johkalaš vuittii miljovnna Euro­jackpottas

-

-

Guokte norgalačča vuittiiga bearjadaga olu ruđa Eurojackpottas, nubbi lihkkoš lei kárášjohkalaš.

Juohke bearjadaga vuoitá okta norgalaš 1 miljovnna ruvnno. Dán háve lei lihkkoš almmái kárášjohkalaš, čállá Norsk Tipping iežaset neahttasiiddus

Almmái lohká son lei Norsk Tipping nummara vurken telefovdnii, nu ahte go oinnii sii riŋgejedje, de dovddai son ahte juogalágaš ođas dál ferte. 

– Duođas, dá lei albma juovlaskeaŋka. In dieđe riekta maid galggan lohkat, muitala kárášjohkalaš Norsk Tippingii. 

Ruhtavuoittuin áigu son mátkkoštit. 

– Liikon spábbačiekčamii, nu ahte oasi ruđas anan spábbačiekčanmátkkiide. Muđui in dieđe, lohká son. 

Norgga spelliid gaskkas ii lean oktage gii vuittii stuorámus ruhtavuoittu Eurojackpottas. Okta eará norgalaš fas vuittii measta 1,3 miljovnna ruvnno, dieđiha Norsk Tipping iežaset neahttasiiddus. 

-Almmuhus-