Leat gollán 99 jagi das rájes go maŋemuš ledje dákkár báhkat Kárášjogas. Dál manahii báiki ođđa vejolaš olahusa olahit go dálkkemihtidanrusttet márkanis ii doaibman gaskavahkku.
Jagi 1920:s mihtiduvvui 34,3 lieggagráda, mii gaskavahkku rádjai lei merkejuvvon báhkkaseamos beaivin Finnmárkkus, čállá ifinnmark.no.
Nu dáidet ollugat gealdagasas čuvvon mielde gaskavahkku ahte olahuvvo go ođđa olahus.
Dađibahábut de ii doaibman dálkkemihtidanrusttet Kárášjogas ja nu ii leat dohkkehuvvon almmolaš duođaštus dasa ahte olahii go báiki ođđa olahusa vai ii, muitala Rune Skoglund Meteorologalaš Instituhtas VG.no:ii.
De leaš oaidnit ahte gollet go 100 jagi dassážii go fas vásihit dákkár báhkaid go maid dál leat vásihan.
