Njeallje kárášjohkalačča leat leamaš masá vahkko erremis, ja dál lea illusáhka ollen.
– Buot njeallje iskosa ledje negatiiva iskosa, dadjá gielddadirektevra Kurt Murstad.
Diehtu
Mannan bearjadaga eahkeda čálii Kárášjoga gielda iežaset ruovttusiiddus ahte Hámmárfeastta buohcceviesus korona njoammunguorran doalvvui njeallje kárášjohkalačča erremii. Dan njealljásis lea njuolggooktavuohta leamaš buohcceviesu bargiiguin geaidda lea koronadávda duođaštuvvon njommon.
– Ikte oaččuimet duođašteami ahte dat leat negatiivvat, dadjá Maurstad.
Doaibmabijut álggahuvvon
Maurstad muitala vaikke gielddas ii leat oktiige njommon, de sii leat doaibmabijuid bidjan johtui. Gidden buhcciidruovttu.
– Mii leat gidden dearvvašvuođaguovddážis buhcciidruovttu. Muđui eat oainne dárbbaašit eará doaibmabijuid vuos dahkat, earret go ávžžuhit olbmuid leat várrugassan, dadjá Maurstad.
Loga maid: Kárášjogas njealjis erremis – uhca servodagaš rašes dilis, dadjá sátnejođiheaddji
