-Almmuhus-
-Almmuhus-
OĐĐASATKáráš­jogas duođaš­tuvvon Korona

Káráš­jogas duođaš­tuvvon Korona

-

-

Árvvoštallet njoammuma boahtit Hámmerfeasttas.

Kárášjoga gielda čállá sin neahttasiiddus ahte guovtti olbmos lea duođaštuvvon Covid-19. Soai leaba studeanttat geat čađaheaba práksisoahpu Kárášjoga buhcciidruovttus. Njoammun dáidá boahtit Hámmerfeasttas.

– Gielda lea bargamin olles leahtuin njoammunguorramiin ja kártet lagas oktavuođaid, muitala gielddadirektevra Kurt Maurstad.

Maurstad ii sáhttán vel muitalit man muddui váikkuha gieldda ásahusaide ja gallis leat erremis juste dál, muhto bivdá ássiid čuovvut gieldda neahttasiiddu.

Son maid muitala rájás lea rabas iskanstašuvdna diibmu 8-20. 

Gielda cealká neahttasiiddus ahte buhcciidruovttus leat kártemin guoskevaš pasieanttaid ja bargiid, ja áigot dieđihit oapmahaččaide.

Viidáset bivdá gielda ássiid čuovvut njoammuneastadannjuolggadusaid ja váldit iskosa jus leat dávdamearkkat.

-Almmuhus-