Kárášjoga gielddas ávžžuhit olbmuid vuoššat juhkančázi dassái basset čáhcerevrriid.
Kárášjoga gielda lea sádden ássiide ahte fertejit vuoššat juhkančázi go leat gávdnon «koliforma» bakteriijat čázis.
Gieldda čáhci ja ruferusttegiid ovttadatjođiheaddji Alf Isaksen čilge «koliforma» bakteriijat leat njulgestaga baikabakteriijat, ja danne ferte vuoššat juhkančázi.
Isaksen ii vuos dieđe guhká ferte Kárášjogas čázi vuoššat.
– Mii iskat dađistaga olles čáhceneahta, ja go gávdnat bakteriijaid de cirgguhit ja bassat čáhcerevrriid dassái iskosat eai šat čájet ahte leat bakteriijat čázis. Olbmot fertejit vuoššat čázi dassái boahtá gielddas ođđa diehtu ahte eai leat šat bakteriijat čázis,lohká son.
