Sámi álbmotbeaivvi ledje Sámi Grand Prix juoiganoassegilvvut, ja dás oainnát filmmažiid Kárášjoga gilvvuin.
Sámi álbmotbeaivvi ledje Sámi Grand Prix juoiganoassegilvvut, ja dás oainnát filmmažiid Kárášjoga gilvvuin.
Sámi álbmotbeaivvi ledje Sámi Grand Prix juoiganoassegilvvut Johkamohkis, Anáris ja Kárášjogas. Vuoitit besset njuolga Sámi Grand Prix finálii mii lea beassášlávvordaga Guovdageainnus.
Norgga bealde Sámi Grand Prix oassegilvvu Kárášjogas vuittii Johan Mikkel Bueng. Son rohttestii guokte luođi lávddi alde, masa jurymiellahtut liikojedje.
Dán jagáš vuoiti gohčodii gilvvus sámi buoremus dási, muhto ii lean vuordán vuoitit.
– Ii sáhte boahtit dáid juigiid searvái ja jáhkkit vuoitit.
Gilvvus ledje hárjánan juoigit nu go Kim Hallgeir Berg, John Andre Eira ja Juhan Daniel Gaup. Diimmá Norggabeale oassegilvvu vuoiti, Anne Biret Peltoperä, lei maid dán háve mielde.
Dás vuolábealde oainnát buot oasseváldiid oassegilvvus:
