Kárášjoga skuvlla oahppit leat čohkken oktiibuot 720,7 kg báhtteriid mánáid báhtterčoaggingilvvus.
Maŋimuš vahkuid leat 16.000 njealjátluohkálačča miehtá Norgga čoaggán gollan báhtteriid. Sii čogge dán jagi oktiibuot 124 tonna geavahuvvon báhtteriid, maiguin sáhttá fas ođđa báhtteriid ráhkadit. Čieža skuvlla Finnmárkkus leamaš mielde dán olahusas. Dán logus leat ge sámi skuvllaid oahppit čohkken stuora oasi.
– Mii leat hirbmat rámis go nu olu njealjátluohkálaččat leamaš mielde Norgga stuorámus mánáid biraseaktodáhtolaš barggus, lohká Miljøagentene gulahallanneavvu Wanda Nathalie Nordstrøm.
Skuvllat Finnmárkkus:
Kárášjoga skuvla čohkkii 720,7 kilo
Billávuona skuvla Porsáŋggus 312 kilo
Várggáid skuvla 301,5 kilo
Dálbmeluovtta skuvla Álttás 285 kilo
Deanu šaldi skuvla 282 kilo
Bossogohpe skuvla Álttás 191 kilo ja 165 kilo
