Buot lea dan duohken ahte KS ja Unio bohtet ovttaoaivilii bálkášiehtadallamiiguin
Kárášjoga gielddadirektevra, Kurt Maurstad, muitala Ávvirii ahte Unio lea dieđihan Kárášjoga gielda váldo streikii boahtte vahkkoloahpa rájes, jus KS ja Unio eai boađe ovttaoaivilvuhtii bálkášiehtadallamiiguin. Áigemearri bálkášiehtadallamiidda lea miessemánu 27. beaivvi.
Maurstad lea eahpesihkar man guhká streaika bistá, muhto muitala Unio lea cealkán ahte 13 bargi ráđđeviesus ja teknihkalašossodagas váldojit streikii jus eai soabat áigemearrái.