Kárášjoga gielda lea mearridan giddet almmolaš ásahusaid gallededdjiide. Lea vejolaš sin juksat telefuvnna dahje e-poastta bokte.
Kárášjoga gielda dieđiha gielddasiiddus ahte buot gieldda politihkalaš čoahkkimat ja eará čoahkkimat eai lágiduvvo njukčamánu 13. beaivvi rájes gitta 26. beaivái,
Álbmotvuostáváldimat gitta
Ráđđeviessu ja NAV giddejuvvo álbmogii. Gulahala telefovnna dahje e-poastta bokte jus dus ležžet gažaldagat. Telefuvdna NAV:i lea 55 55 33 33 ja Kárášjoga ráđđeviesu bálvaluskantuvrii 784 68 000,
Dearvvašvuođaásahusat gitta gussiide
Dearvvasvuođaásahusat leat giddejuvvon gallededdjiide. Gielda doalaha bálvalusfálaldaga dearvvasvuođas ja fuolahusas. Buot dearvvašvuođa- ja fuolahusbálvalusa bargit bohtet bargui dábálaš áigái bearjadaga 13.03.20 ja čuvvot vuorrobargoplánaid ovddasguvlui.
Dát ásahusat leat giddejuvvon gallededdjiide
Kárášjoga gielda gidde Kárášjoga buhcciidruovttu ja fuolahusviesuid gallededdjiide álgovuorus vuos 12.03.20 rájis 26.03.20 rádjái. Ássan- ja duddenbálvalusa galledeaddjit váldet vuos oktavuođa ossodagain ovdal go bohtet galledit. Jus dus leat gažaldagat daidda ásahusaide, de riŋges dahje sáddes e-poastta daidda ovttadagaide.
