Bearjadateahket vuittii Kárášjoga dievdu lagabui 3 miljovnna ruvnno Eurojackpot-spealus.
– Dájut go muinna? Lea go oba vejolaš ge?
Dat lei dievddu vuosttaš reakšuvdna go Norsk Tipping válddii suinna oktavuođa bearjadateahket illuságain:
– Don leat vuoitán 2 902430 Norgga ruvnno.
Vuoitokupoŋggaid ostii dievdu Rema 1000 buvddas Kárášjogas ja Norsk Tipping mobiltelefuvdna-appas.
Gáttii vuovdit dat áigu juoidá
Ságastallamis Norsk Tippingain lohká dievdu ahte son goasii massá vuoiŋŋahaga go Norsk Tipping riŋgii sutnje muitalit stuora vuoittu birra:
– Ja mun gii gádden ahte don áiggut juoidá ártega vuovdit munnje, boagustii dievdu bearjadateahket.
Son ii hálit namas almmuhit.