-Almmuhus-
OĐĐASATKárášjoga dearvvašvuođa­bargis korona

Kárášjoga dearvvašvuođa­bargis korona

-

-

Muhtin dearvvašvuođabargis Kárášjoga gielddas lea korona. Nu čállá Kárášjoga gielda iežaset neahttasiiddus.

Kárášjoga gielda dieđiha iežaset neahttasiiddus ahte golbmasis Kárášjogas lea korona. Dát golbma olbmo leat dál isolašuvnnas.

Gielda guorrá njoammuma ja váldá oktavuođa dán golbmasa lagasoktavuođaiguin. Okta dain geas lea korona, son bargá dearvvašvuođabálvalusas. Gielda lea njoammueastadandoaimmaid álggahan dán dearvvašvuođabálvalusas. Sii maiddái isket leago earáin korona.

Kárášjoga gielda ávžžuha olbmuid čuovvut rávvagiid, nugo bissut ruovttus jus lea buozas, iskkahit iežas jus fal leat dovdomearkkat. Gielda maid ávžžuha unnidit lagasoktavuođaid ja boahkuhit iežas. 

-Almmuhus-