-Almmuhus-
SMÁVVAOĐĐASATKajáhkka­duodji museas

Kajáhkka­duodji museas

Journalista

-

-

Boahtte vahkus lea vejolaš oaidnit museas Kárášjogas mo duddjo kajáhka ja makkár oktavuohta das lea sámi historjái. 

Eai várra nu olusat dieđe ahte kárášjohkalaš Sámmol Balto / Samuel Balto duddjui alcces kajáhka go lei Fridtjof Nansena mielde Ruonáeatnama mátkkis 1988:s. Riddo-Duottar Museat (RDM) / Sámiid Vuorká-Dávvirat (SVD) ja Norges Husflidslag lágidit bargobáji 27.06.-02.07.22 áigodagas nuoraide mo kajáhka duddjo, muhto lea maid vejolaš olbmuide fitnat duddjoma geahččamin. Kurssa oahpaheaddji lea Nicolas Ibaceta, gii lea duojár, dáiddár ja kajáhkkaduojár. Son lea eret Chiles  ja čájeha eamiálbmoga árbevirolaš duddjonvugiid ja maiddái ođđa vugiid, dieđiha lágideaddjit preassadieđáhusas.

– RDM/SVD čájeha smávva čájáhusa Sámmol Balto kajáhkkaduddjoma birra ja Norges Husflidslag Finnmárkku konsuleanta,  Maaike Halbertsma, muitala Baltto ja su barggu birra, muitala SVD museahoavda Jelena Porsanger. 

– Dál, go ii leat vejolaš bivdit luosa, de háliidat fuopmášahttit man dehálaš Kárášjohka ja johkaleagi kultuvra leamaš  báikeolbmuide, lohká Halbertsma. 

Prošeakta lea RDM – Sámiid Vuorká-Dávviriid ja Norges Husflidslag ovttasbargu. Prošeavtta leat Romssa ja Finnmárkku fylkkagielda ja Norgga Kulturráđđi ruhtadan.

-Almmuhus-