Suoma stáhtaráđđi lea ásahan Sámiid duohtavuođa- ja soabadankommišuvnna stáhtaráđi čoahkkimis diibmá. Váldočálli Anne Risten Juuso lei virgáduvvon, muhto son geassáda dál virggis.
Ulbmil Sámiid duohtavuođa- ja soabadankommišuvnnain lea dutkat ja árvvoštallat sámiid vásihan historjjálaš ja maiddái dálá vealaheami.
Muhto maŋemus mánus lea máŋggas cealkán eret kommišuvnna virggis. Miessemánus Sámedikki nammadan Miina Seurujärvi guđii komissára luohttámušdoaimma. Sivvan son muitalii, ahte su mielas kommišuvdna ii bastte ollašuhttit dasa addojuvvon váttes barggu dieđiha Yle Sápmi.
Dál lea maiddái várreduopmár Ánne Risten Juuso, gii lei kommišuvnna váldočálli, heaitán duohtavuođa- ja soabadankommišuvnna čállingottin nu dieđiha kommišuvnna neahttasiiddus. Son ii lea háliidan kommenteret manin heaitá virggis, dieđiha Yle Sápmi.
Maiddái nubbi Sámedikki nammadan komissára, Heikki J. Hyvärinen, lea cealkán eret kommišuvnnas.
