-Almmuhus-
KULTUVRAJus Sápmi livččii stivren davviguovllu 

Jus Sápmi livččii stivren davviguovllu 

-

-

Movt jus Sápmi livččii stivren davviguovllu? Dat leat fáddán teáhterbihtás mii odne čájehuvvo Davvi-Norgga feastariemuin.

Sábmie Ovttastuvvon Siiddat lea boarráseamos, fámoleamos ja mearri­deaddji stáhta Eurohpás. Nu goit lea SOS Dobrie bihtás mii čájehuvvo Davvi-Norgga feasta­riemuin-

SOS Dobrie bihtás beasat gullat movt livččii jus Eurohpá oarje­riikkat eai livčče koloniseren ovtta ge eatnama, ja fápmohálddašeapmi livččii earálágan.

– Livččiimet go mii buoret olbmot dalle, jus Sápmi livččii sierra stáhta? jearrá bihtá čálli, Siri Broch Johansen.


Siri Broch Johansen. Preassagovva: Aslak Mikal Mienna.

 

Dego vuosttaščájálmas

Siri Broch Johansen lea čállán bihtá SOS Dobrie, mii čađahuvvo dego lohkamin.

– Lea mu masterbargu man lean bargan go vázzen teáhter­alla­skuvlla diibmá. SOS Dobrie lea bihttá váldokarakteara man čuovvut, ja lea lunddolaččat arrogánta riika. SOS-riikkas orru maid moskkus­álbmot, geat lohket iežaset eami­álbmogin ja sis lea váttis giella, lohká Johansen.

Bihtás leat golbma kártta mielde lávddis. Das oaidná SOS-riikka ovtta kárttas. Nuppi kárttas ges Vulkan, Faren, Orken Sheten ja Britannia sullot. Goalmmat kárttas ges Tatanka, stuorra riika mii lea sulloid duon beal stuorra ábi.Guovllut mat leat mielde bihtá dáhpáhusain.

 

Ealas bihttá

Sus leat veahkit fárus, geat lohket čállosiid ja dialogaid. Bihttá lea ovdal ovdanbukton, muhto oasážat rivdet, heivehuvvojit ja lasihuvvojit. Dan dihte čállet Davvi-Norgga feastariemut ahte lea vuosttaščájálmas.

– Lea ealas bihttá mas oasážat rivdet,  ja oasit eai leat maŋŋálaga čadnon bihtás. Mii vuorbádit guđe oassi ain dáhpáhuvvá, nu ahte bihtá máinnas šaddá dađistaga, lohká son.

 

Duohtavuođa­kommišuvdna

Johansen muitala ahte mánnodaga beassat gullat moskkusálbmoga birra geat leat báhcán lulimus geahčái maŋŋel go váldooassi sin álbmogis fárrejedje eret guovllus go ii lean šat sadji sidjiide. Dál lea duohtavuođakommišuvdna ásahuvvon, ja moskkusálbmot gáibida duon dán.

– Bihtás muitaluvvo duohta­vuođakommišuvnna konklu­šuvnna birra ovdagihtii, go mii diehtit mii dáhpáhuvvá. Kanadas ja USAs lea duohtavuođa­kommi­šuvdna leamaš jođus. Ándagassii leat bivdán, muhto ii mihkkege leat dan dihte rievdan, muitala bihtá čálli.

Mánnodaga čájehuvvo bihttá Hársttáin, Bark báikkis, ovdalaš namma lei Kaffistova.

-Almmuhus-