-Almmuhus-
-Almmuhus-
-Almmuhus-
OĐĐASATJus lávet telefuvnna čuoggut vuojedettiin, de berret dán filmma geahččat

Jus lávet telefuvnna čuoggut vuojedettiin, de berret dán filmma geahččat

-

-

Jus leat gávccilogis vuojašeamen ja geahčat telefuvdnii 3 sekundda, de lea biila sirdásan 66 mehter nu ahte it leat čuvvon johtolaga. Olusat čuggot mátketelefuvnnaideaset vuojedettiin, danne lea ođđa kampánnjá jođus mii galgá eastadit dán.

Biilavuoddjit geat eai áicca geainnu vuojidettiin leat šaddan stuorimus várran luottaid alde Norggas. Okta juohke goalmmát biilavuoddjis ii áicca geainnu čájeha ođđa iskos maid Trygg Trafikk ja Gjensidige leat čađahan, ja danne leat dál ráhkadan ávžžuhusdoaimma vai miellaguottuid rievdadit ja unnidit sollemušaid go vuoját biillain.

 

Várra lassána

– Sullii 30 proseanta biilalihkohisvuođain dáhpáhuvvet dan sivas go biilavuoddji ii áicca johtolaga. SMS dieđu lohkat ádjána sullii 23 sekundda, ja dan botta it geahča luddii. Juohke sekundda go it áicca johtolaga, lassána lihkohisvuohta várra. Dan dihte leat gohčodan dán ávžžuhusdoaimma “Hold Fokus!” lohka Trygg Trafikk direktevra Jan Johansen.

 

Ieš šattat oassin filmmas

Norgga dovddus valáštallan- ja servvodatolbmot besse oaidnit dan erenoamáš filmmaža ávžžuhusdoaimma oktavuođas. Filbma lea dego Facebookapplikašuvdna, mas geahčči šaddá ieš oassi filbmii ja beassá vásihit movt mobiilageavaheapmi vuojidettiin váikkuha. Sullásaš doaibma lea čađahuvvon Islánddas 2013:s.

 

Geahča filmma dás.

-Almmuhus-