-Almmuhus-
-Almmuhus-
OĐĐASAT – Jus dát ii leat rasisma din čalmmiin, de lehpet čalmmeheamit

– Jus dát ii leat rasisma din čalmmiin, de lehpet čalmmeheamit

-

-

Lullisámit geavahit garra sániid bieggamillohuksemiid vuostá mii lea plánejuvvon lullisámi boazodoalloguvlui.

– Mii leat leamaš dáppe guhkit go dáččat, ja mis rievidedje buot. Dál rievidit dan maŋemusa mii mis lea báhcán. Jus dát ii leat rasisma din čalmmiin, de lehpet čalmmeheamit. Dáid sániid dajai Ina Theres Sparrok go departemeanta lei boahtán Bindal báikái bieggamillohuksema geahčadeami oktavuođas. Dán čállá NRK Trøndelag.

Dát guvlui gosa áigot cegget bieggamilluid lea boazodoalloguovlu. Luoddahuksemiidda leat ožžon lobi ja olles 72 bieggamillu galget ásahit mat buktet el-rávnnji 30.000 vissui.

 

Váttis ášši

Lea Oljo- ja energiijadepartemeanta mii mearrida loahpalaččat, ja ekspedišuvdnahoavda departemeantas Per Håkon Høisveen lei Bindalas. Son mieđiha leat váttis áššiin:

– Mii leat fuomášan váidagiid, ja diehtit daid váttisvuođaid ja gažaldagaid mat leat boahtán ovdan.

– Dál easka álgit loahpahit áššegieđahallama, lohka Høisveen.

 

Vearjopolitiija

Ledje golbma vearjopolitiija boahtán servvodatviesu lusa Bindalas čoahkkima dihte, muhto ii dáhpáhuvvan mihkkege earret go ahte sámi leavga bálkestuvvui Ina-Theres Sparrok vuosttá demonstrašuvnnas. Lei muhtin olmmái gii lea eanaeaiggát gii sáhttá vuordit dinet jus ceggejit bieggamilluid.

 

Niegada golleruvkii

Bindal suohkan háliidivčče ásahit golleruvki suohkanii. Lea guhkit áigge leamaš dovddus ášši ahte leat gávdnan golliid suohkanis. Go eanet luottat leat váriide, de sáhttá golleruvkii maid álkit ásahit, oaivvilda sátnejođiheaddji.

Sámediggepresideanta Aili Keskitalo lei maid boahtán Bindalii. Son ballá lullisámiid geavvat máksit Norgga dálkkádatmihttuid ovddas.

– Aŋkke dat ii leat gánnáhahtti dán áššis, lohka Keskitalo.

 

- Advertisement -
-Almmuhus-