– Jurddašin ferte leat juobbá dien guovttis

1. Mii dalle dahkko go bohcco gápmasat vuolahastojuvvojit?

– Dan gal in dieđe. Boastut! 

Rievttes vástádus: Vuolahastin lea gápmasiid vurkonvuohki, dalle gámas goiká dássedit iige dat navvil.

2. Leago Pedar Jalvi vuosttaš sámegielat

a) Diktačálli

á) Juoigi

b) Luohtedahkki

– Mun gal dajan dat lea diktačálli. Riekta!

3. Vállje rievttes sojahanhámi, mii lea potentiálas

a) Vuojášin

á) Guldal

b) Diđeš

– Dat lea dat vuosttaš, vuojášin. Boastut!

Rievttes vástádus: Diđeš

– Oja, mun jurddašin ahte ferte leat juobbá dien guovttis, boagusta Trosten.

Go Trosten ii vástidan riekta buot golbma gažaldaga, de son ii mannan viidáseappot gilvvus. Son dattetge beassá geahččalit vástidit árvalusa mainna sáhttá fasket 5, 10 dahje 15 čuoggá. Dat lea dan duohken guđe ivnni vállje. Rukses árvalus lea váddáseamos, ja jus dan vástida riekta de oažžu 15 čuoggá, alit ivnnis faske 10 čuoggá ja ruonás 5 čuoggá.

Trosten vállje ruoná ivnni, ja mii jearrat sus dán gažaldaga:

Jus leat 5 eappela beavddi alde, ja válddát 2. Galle eappela dus leat de?

– Dalle leat mus vihtta eappela. Jus mus leat 5 eappela beavddis ja mun válddán 2, mus leat liikká 5 eappela. Boastut!

Rievttes vástádus: 2 eappela (válddát alccet 2 eappela, de leat dus 2 eappela)

Galle čuoggá oktiibuot: 1 čuokkis

Juohke gilvaleaddji beassá hástalit ođđa gilvaleaddji Ávvira geassegilvui. Ande Trosten lea hástán Issat-Erke Trostena, ja son fas hástala Hanne Sofie Trostena searvat gilvui.