-Almmuhus-
GUOIMMUHEAPMI Juovlavahku horoskohpa

Juovlavahku horoskohpa

-

-

Dán vahkku horoskohpa guoská juovlamánu 24.-30 beivviide.

FIERCA

21/3-19/4

Dál dovddat ovddasvástádusa ja dan dihtii fertet ge doaimmahišgoahtit, go jo vuos leat masa nu sorran iežat, de oaččut daid fámuid maid dárbbašat, čađahit dan.

Soaitá don leat ožžon ođđa jurdagiid maid áiggut ovddidit lagamuččaide basiid gaskkas.

Muhto eai buohkat leat rahpasat ja láddan ođđa jurdagiidda, livččii buoret jaskadit váldit ja vuordit dassái go buoret vejolašvuohta fállojuvvo.

 

VUOKSÁ

20/4-21/5

Dál, go ráfálašplanehta lea doaimmas, de váikkuha dat ustitlaš ja ráfálaš ávvudeapmái.

Guoibmi čájeha dál iežas buoremus beliid, ja lea maid vejolaš ahte ođđa olbmot bohtet du eallimii.

Lea vuogas garvit váivves gažaldagaid, go das sáhttet gártat riiddut.

Jus leat gozuide iežat vuoigat­vuođaidat, de sáhttá das vuoitit ekonomalaččat.

 

JUMEŽAT

21/5-21/6

Dutnje lea luohttevašvuohta ja leat olmmošáddjái ja ságastallamat mannet njuovžilit buohkaiguin, ja buohkat dovdet oadjebassan du luhtte olles juovlabasiid.

Dutnje lea dehálaš iežat geainnuid čuovvut, muhto várut loavkašuvvamis jus dattetge fertet earáid doahttalit.

Ruđalaš gáibádus sáhttá boahtit, ja dan lea buoremus máksit ovdal go álgit digaštallat.

 

REABBÁ

22/6-22/7

Beaivváš du nuppebeale násttis dagaha ahte dovdu lea earáid doahttalit eanet go dan maid dohkkehat.

Dus lea maid álki leat vávjálassan dahje hoigat áššiid eret.

Geavat juovlaráfi vuoiŋŋastit ja návddašit, go das vuhtto sihke romantihkka ja ovttastallamat.

Liigenávccaid planehta addá dearv­vašvuođa, ja maiddái badjelmeará­lašvuođa, ja dan oktavuođas lea álki ­lossut.

 

LEDJON

23/7-22/8

Dál leat hutkái ja duhkoraddalas, ja ovttastallamat maid sáhttet šaddat.

Basiid gaskkas lea vuogas fas ealáskahttit gaskavuođa mii guhká lea leamaš jámas.

Ruovttus viežžat inspirašuvnna, ja das vuhtto maid romantihkka.

Bargodábit dahje earáid oaiviliid mielde bargat lea váibadahtti, nu ahte vajálduhte daid geatnegasvuođaid ja geavat baicce áiggi vuoiŋŋastit.

 

BUHTISNIEIDA

23/8-22/9

Lihkkoplanehta váikkuha ruktui ja bearrašii, ja dat láhčá ge somás juovlaeahkeda.

Guovttá gaskka sáhtát leat eanet njuolggočoalat go muđui, ja hárdašuvat guoimmi oaiviliidda ja maiddái go mearrida du badjel.

Smiehta liikká dan juovlaráfi ja maŋit dan moaitima maŋŋelii.

Dál lea vuogas áigi ovddidit dan maid leat maŋidan.

 

VIEHKAT

23/9-22/10

Ruovttus lea erenoamáš dehálaš buot oažžut sadjái ja geahču vuollái, muhto várut ahte it doaimmat menddo čavgadit ja gáržádit nu ahte earát dovdet leat badjelgeahččojuvvon.

Dál háleštat erenoamáš bures oappáiguin ja lagaš fulkkiiguin, nu ahte áinnas galggat ovddidit dál maid guhká leat maŋidan.

Smávvalágan ruhtavuoitu lea vuordimasas, muhto lea álki dan duššadastit dasa maid it livčče dárbbašan.

 

SKORPIUVDNA

23/10-21/11

Guovttá gaskka čiekŋudat gaskavuođa mii fas buktá guhkit áigge ustitvuođa.

Don báittát šiegavuođain mii dagaha ahte earát háliidit duinna ovttastallat.

Dus lea ruhtalihkku, dan seammás go smiehtat goargatlaččat, ja ođđa prošeakta fas ilbmá.

Oappáide/vieljaide leat eahpidahtti dahje kritihkalaš, nu ahte garvve duolbmumis sin.

 

BÁHČČI

22/11-21/12

Ruovttus sáhtát geavahit daid liigefámuid mat dus dál leat, ja ollašuhtat ge ollu, muhto iežat vuohkái.

Don fertet earáid maid sorrat dasa vai it loavkašuhte sin ja vai eai dovdda leat badjelgehččojuvvon.

Ekonomiija gáibida eanet doaimmaid, ja vahkkoloahpa guvlui lea dárbu muhttit dahje sirdit dan masa ledjet návccaid bidjan.

Lea dehálaš ahte it vajálduhte muhtin ruhtageatnegasvuođa.

 

BÁKTEBOHKKÁ

22/12-19/1

Dál, go lea fas beaivváš násttis, de guođát daid boares áššiid ja geahččagoađát ovddasguvlui movttain ja áŋgirvuođain.

Dábálaččat buktá dát iešdovddu ja áŋgiruššama, ja máŋgii gánniha dan dahkat dan seammás go ain lea áigeguovdil.

Muhto dál leat hui várrugas ja lea dárbu sosiála bearráigehččui.

Jus dán dárbbu divttát orrut ja luoitilat olggiid, de šaddet dutnje ja du gussiide ráfálaš ja fiinna juovlabasit.

 

ČÁHCEOLMMÁI

20/1-18/2

Don čuovggat liekkusvuođain ja lea luohttámuš birrasii, nu ahte du háliidusat dohkkehuvvojit.

Muhto de vásihat ahte fertet doaimmahit áššiid go dus lea bággu dan dahkat itge máhte biehttalit, dahje jáhkát ahte fertet guođđit juoga.

Don fertet várra beassat bargat juoga maid lea miella.

Sáhttá leat juoga idealisttalaš doaibma, mii maid addá ovdáneami.

 

GUOLIT

19/2-20/3

Dál johtilit šattat mášoheap­min ja earduduvvot lagašvuođain, smiehtas ovdal go go suhtihat.

De lea buot láhččojuvvon ráfálaš juovlabasiide. 

Dán vahkus lea fáddán mihtut ja geaidnu viidáseappot, soaitá danin go deaivvadat muhtimiin gean it leat oaidnán guhkes áigái, ja suinna sáhtát háleštit luohttevaččat.

Dat veahkeha oaidnit dili ođđa oktavuođas ja das dahkat mearrádusa.

- Advertisement -
-Almmuhus-