Gaskavahkku Norgga stádaministtar preassakonferánsa. Son bijai ovdan ráđđehusa ávžžuhusaid korona dili ektui.
Korona njoammunlogut lassánit beaivvis beaivái Norggas, ja olusat leat sihkkarit jurddašan makkár juovllat šaddet dán jagi.
Gaskavahkku doalai stádaministtar preassakonferánssa.
Ráđđehus geahččalii ložžet ávžžuhusaid nu bures go vejolaš vai Norgga álbmot oažžu fiinna ja oadjebas juovllaid.
Logi guossi ožžot boahtit guossái
Ráđđehus ávžžuha ahte juovlaruohta ja ođđabeairuohta sáhttet leat 10 guossi ovtta viesus. Dat mearkkaša ahte jus ovtta bearrašis leat vihtta olbmo, de sáhttet leat 15 ovttas, dahje jus ovtta bearrašis leat gávcci olbmo, de sahttet leat 18 ovttas. Jus ii áiggo gussiid juovlaruohta ja ođđabeairuohta, de sáhttá válljet guokte eará beaivvi. Muđui bisuha ráđđehus viđa-guossi ávžžuhusa.
Mehtera gaskka
Ráđđehus deattuha maid ahte olbmot fertejit doalahit mehtera gaskka buohkain geat eai oro seamma viesus. Jus boađát báikkis gos lea olu njoammun, de berre doallat guokte mehtera gaskka.
Seammás ferte muittus atnit ahte ráddjet man olu olbmuiguin lea fárrolaga, sihke ovdal juovllaid ja juovllaid.
Boarráset ja buhcciidruovttuid ássit
Stádaministtar logai maid ahte boarráset ja buhcciidruovttuid ássit besset fitnat guossis bearrašiid luhtte juovllaid áigge.
– Boarráset ja buhcciidruovttuid jođiheaddjit fertejit gulahallat lea go dohkálaš čađahit ovttastallamiid báikkiin gos lea alla njoammun, dadjá Solberg.
Mátkkošteapmi
Stádaministtar deattuha maid ahte dál eai galggaše olbmot vuolgit mátkkoštit olgoriikii jus ii leat dárbu.
– Errennjuolggadusat leat juovllaidáiggi ja maŋŋel juovllaid, ja de lea dehálaš ahte sii geat mátkkoštit, dollet errennjuolggadusaid, dadjá Erna.